Херсон вилоятининг Россия назоратидаги Олешки шаҳрида аҳоли озиқ-овқат танқислигидан қийналмоқда. Шаҳарга сўнгги марта озиқ-овқат етказиб бериш 26 май куни амалга оширилган. Тинч аҳолини эвакуация қилиш уринишлари эса ҳозирча натижа бермаган.
🥖 Озиқ-овқат сотиб олиш учун одамлар қўшни аҳоли пунктларига боришга мажбур. Дронлар одамлар гуруҳининг йўлга чиққанини тасвирга олган: айримлари пиёда, бошқалари велосипедда, яна кимдир аравача олиб йўлга чиққан.
⚠️ Олешкилик бир аёлнинг BILD нашрига айтишича, йўлда одамлар оёқ остига ҳам, осмонга ҳам доимо эътиборли бўлиши керак. Миналар, дронлар ва кассетали ўқ-дорилар билан ҳужумлар хавфи доимий экан.
🚲 Раденсккача велосипедда бориш — бир томонга тахминан 20 км — 1,5–2 соат давом этади. Озиқ-овқат билан қайтиш эса жисмоний ҳолатга қараб 3–6 соатга чўзилиши мумкин.
🇺🇦 Украина армияси иккинчи марта дронлар ёрдамида аҳолига озиқ-овқат солинган пакетларни ташлаб беришга муваффақ бўлган.
Бироқ хабарда таъкидланишича, Олешкида очликдан қийналаётган аҳоли эвакуациясиз қишни омон ўтказиши қийин.
Аэропортда янги туғилган чақалоқ ва унинг онаси вафот этди
Айиқ овлаганларга пул мукофоти ваъда қилинди
13 ёшли қиз эгизак фарзандли бўлди
