«Хўжа Аламбардор» жоме масжиди бош имом-хатиби Одилхон қори Юнусхон ўғли Ўзбекистон мусулмонлар идорасининг буйруғига асосан 6 сентябрь куни ўз лавозимини тарк этган. Бу ҳақда «Azon.uz» хабар берди.
Хабарга кўра, Одилхон қори Юнусхон ўғлининг имом-хатибликдан ўз хоҳиши билан, саломатликларини тиклаш мақсадида кетган.
Эслатиб ўтамиз, 2018 йилнинг 20 июль кунида ҳам Одилхон қори Юнусхон ўғли Тошкент шаҳридаги «Шайх Зайниддин» жоме масжиди имом-хатиблигидан саломатлиги туфайли, ўз хоҳишига кўра озод этилган эди.
«Хўжа Аламбардор» жоме масжидига янги бош имом-хатиб этиб Мирсолиҳов Миржалил домла тайинланган.
