Исроил ва Иордания давлатлари чегарасида жойлашган Ўлик денгиз номи ёқимсиз бўлишига қарамай, бир талай ижобий хусусиятларга эга. Мазкур денгиз суви таркибида туз миқдори жуда кўплиги сабаб, тирик жонзотларнинг яшаш шароити мавжуд эмас. Шу боис бу кўл ўлик денгиз деб аталади. Сувининг шўрлиги бўйича дунёда Африкадаги Ассал кўлидан кейин иккинчи ўринда туради.
Агар дунё океанининг 1 литр сувида 35 грамм туз бўлса, бу кўрсатгич Ўлик денгизда қарийб 8 баробар кўп ёки 1 литр сувда 275 грамм туз бор. Тузларнинг юқори концентрацияси сабабли, ушбу денгизда сузишни билмайдиган кишилар ҳам бемалол чўмилиши мумкин. Чунки, Ўлик денгизда одам чўкмайди.
Ўлик денгиз суви артроз, артрит ва подаграга йўлиққанлар учун жуда фойдали экан. Минераллар эса косметик маҳсулотлар ишлаб чиқаришда қўл келади. Ўлик денгизнинг сувини ичган одам ё кучли заҳарланиши мумкин ёки буйраклар ишдан чиқади. Ўлик денгиз суви кун ботиш палласида сиёҳ рангига киради.
Ўлик денгиз суви йилдан йилга камайиб бормоқда. Олимларнинг тахминича, агар ҳозирдан чора кўрилмаса, орадан 50 йил ўтгач, ўлик денгиздан асар ҳам қолмас экан.
Ўлик денгизни сув билан аслида Иордан дарёси таъминлайди. Лекин ҳозирги вақтда дарё суви саноат ва қишлоқ хўжалик мақсадларига ишлатилмоқда.
Қодировнинг аҳволи жуда оғир: у ворис қидирмоқда
Франция Россия Ғалаба байрамига таклиф қилинмаганидан ғазабланди
Агар Украина 9 май куни Москвага ҳужум қилса, Россия Киевга “Орешник” қуроли билан зарба бериши мумкин
