“Nvidia” компанияси “Apple”ни ортда қолдириб, дунёдаги иккинчи энг қиммат компанияга айланди

Американинг чип ишлаб чиқарувчи “Nvidia” компаниясининг бозор капиталлашуви 3 триллион доллардан ошиб, “Apple”ни ортда қолдириб, дунёдаги иккинчи энг қиммат компанияга айланди.

Бу ҳақда Reuters агентлиги хабар берди.

“Nvidia” акциялари 5 июн куни 5,2 фоизга ошгани айтилмоқда. Битта қимматли қоғознинг нархи 1224,4 долларгача кўтарилиб, компаниянинг тахминий қиймати 3,012 триллион доллардан ошди, дейилади ҳисоботда. Қайд этилишича, “Apple”нинг бозор капиталлашуви ўша куни биржа ёпилишида 3,003 триллион долларни ташкил қилган. “Microsoft” ҳали ҳам бозор капиталлашуви 3,15 триллион долларни ташкил этган дунёдаги энг қиммат компания бўлиб қолмоқда, деб хабар беради tass.ru.