Аргентина парламенти парламент қуйи палатаси қарорига кўра, бир неча ойдан бери давом этган норозилик намойишлари фонида пенсияларни оширишга овоз берди.
Ҳар чоршанба куни пенсионерлар ва уларни қўллаб-қувватлаётган фуқаролар узоқ вақтдан бери Буэнос-Айрес марказида тўпланиб, яшаш шароитларини яхшилаш ва кексалар учун имтиёзларни оширишни талаб қилмоқда.
"Маъқуллаган 142, қарши 67 ва бетараф 19 овоз билан пенсияларни ошириш маъқулланди", — дейилади парламент баёнотида.
Гап 7,2 фоизга индексация ҳақида кетмоқда, бу эса қўшимча бюджет харажатларини келтириб чиқаради. Энди бу ташаббус кўриб чиқиш учун Аргентина Сенатига тақдим этилади.
Шу билан бирга, Аргентина президенти Хавьер Милей қонун лойиҳаси парламентнинг юқори палатаси томонидан қўллаб-қувватланса, унга вето қўйиши ҳақида аллақачон огоҳлантирган.
"Биз сенаторлар бу популистик демагогияни қўллаб-қувватламайди, деб умид қиламиз, лекин ҳар қандай ҳолатда ҳам, бизнинг мажбуриятимиз мувозанатли бюджетга таҳдид соладиган нарсани ўтказиб юбормасликдир", деб ёзган президент Х ижтимоий тармоғида. 2024 йил сентябрь ойида Милей пенсияларни ошириш тўғрисидаги қонун лойиҳасига аллақачон вето қўйган эди, унинг сўзларига кўра, бу мамлакат бюджетини беқарорлаштириш билан таҳдид қилган.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
