Исроил мудофаа вазири Исраэл Кацнинг сўзларига кўра, Исроил Эроннинг янги олий раҳнамоси Мужтабо Хоминаий ва энергетика объектларини нишонга олиш учун Қўшма Штатлардан рухсат кутмоқда.
"Исроил Эронга қарши урушни давом эттиришга тайёр. Исроил армияси (ЦАХАЛ) мудофаа ва ҳужумга шай ҳолатда, нишонлар эса белгилаб олинган", — деди Кац.
Унинг таъкидлашича, Исроил биринчи навбатда Вашингтоннинг рухсатини кутмоқда. Бу рухсат Исроилни йўқ қилиш режасининг ташаббускори бўлган Хоминаий сулоласини ва Эрон “террорчи режими” раҳбариятининг барча ворисларини бутунлай йўқ қилиш учун зарурдир.
"Бу галги ҳужум аввалгиларидан фарқ қилади ва ҳалокатли бўлади. Эрон террорчи режими ҳозиргача учрамаган зарбаларга дуч келади. Мамлакатнинг энг оғриқли нуқталарига пойдеворни силкитадиган ва қулатадиган зарбалар берилади. Эронни “зулмат ва тош даврига” қайтарамиз", — деди Исроил мудофаа вазири.
Кацнинг фикрича, Эрон ҳозирда жуда оғир аҳволда бўлиб, унинг раҳбарияти туннелларда яшириниб юрибди.
"Шунга қарамай, улар ғалаба қозонаётганини эълон қилмоқда. Ливандаги “Ҳизбуллоҳ” ва Ғазодаги ҲАМАС каби, Эрон режими ҳам аҳоли тўлаётган оғир бадал ҳақида қайғурмайди. Улар фақат ўзлари омон қолишини ўйлайди, лекин бу ҳам кафолатланмаган", — деди у.
Теҳрон Эрон кемасини қўлга олганидан кейин АҚШ ҳарбий кемаларига ҳужум қилди
Эрон Исроил билан алоқа қилганлиги учун юқори лавозимли амалдорни қатл қилди
Эрон АҚШни “якуний жазо” билан таҳдид қилди
