Ўтган ҳафтада мамлакатнинг олти штатида Ласса безгаги билан касалланишнинг 14 та янги ҳолати қайд этилди, беш киши вафот этди, деб хабар берди Anadolu.
Нигерия Касалликларни назорат қилиш маркази (NCDC) ўтган ҳафтада мамлакатнинг олти штатида Ласса безгаги билан касалланган 14 та янги ҳолат, беш киши ўлганлиги ҳақида хабар берди.
Марказ баёнотида январь ойидан буён мамлакатда жами 674 нафар Ласса безгаги қайд этилгани, касалликдан вафот этганлар сони эса 127 нафарга етгани айтилган.
Ушбу касаллик бўйича ўлим даражаси 18,8 фоизни ташкил этади, бу ўтган йилнинг шу даврига (18,5 фоиз) нисбатан бир оз юқоридир.
Ўтган йили Нигерияда 190 киши касалликдан вафот этган.
Нигерия ҳукумати 2019 йилнинг 23 январида Ласса безгаги сабабли фавқулодда ҳолат эълон қилди.
Ласса безгаги Африканинг кўплаб мамлакатларида, жумладан Мали, Того, Гана, Либерия ва Сьерра-Леонеда кенг тарқалган юқумли касалликдир. Ушбу касаллик биринчи марта 1969 йилда Нигерия шимоли-шарқидаги Борно штатида аниқланган.
Касаллик кўпинча кемирувчилар орқали юқади ва одамдан одамга ҳам юқиши мумкин. Касаллик қон кетиш орқали ўлимга олиб келадиган безгак тури билан тавсифланади.
