Нидерландияда ҳуқуқ-тартибот идоралари ходимлари мамлакатда шу пайтгача қайд этилган энг йирик кокаин лабораторияси топилганлиги ҳамда 17 киши ҳибсга олганлиги тўғрисида маълум қилди.
Бу ҳақда “Associated Press” хабар бермоқда.
Таъкидланишича, ҳуқуқ-тартибот идоралари ходимлари отда юриш мактабида қилинган рейд давомида ўн минглаб литр кимёвий моддалар ва 100 килограмм кокаин топишган.
“Лаборатория кунига 150-200 килограмм кокаин ишлаб чиқариш учун жиҳозланган бўлиб, унинг чакана нархи 4,5-8 миллион еврони ташкил этади”, дейди полиция бош инспектори Андре ван Рейн.
