«Сантос» клуби ҳужумчиси Неймар 2026 йилги жаҳон чемпионати якунланганидан сўнг жамоасидан бир неча кунлик таътил олди. Ҳозирча у оиласи билан АҚШда қолмоқда, унинг клуб ихтиёрига қачон қайтиши эса аниқ белгиланмаган.
Globo нашри маълумотича, футболчи камида ўн кун дам олиши кутилмоқда.
Манбага кўра, «Сантос» 34 ёшли форвард ва унинг вакиллари билан музокара ўтказишни режалаштирган, аммо учрашув санаси ҳали белгиланмаган. Клуб раҳбарияти Неймар Бразилия терма жамоасининг жаҳон чемпионатидаги мағлубиятидан кейин руҳан тикланишини кутаётгани айтилмоқда.
Маълумки, ушбу мусобақа Неймар учун жаҳон чемпионатларидаги сўнгги иштирок бўлиши мумкинлиги ҳақида гап-сўзлар пайдо бўлган эди. Аввалроқ футболчининг отаси ижтимоий тармоқларда ўғлини фаолиятини якунламасликка чақирганди.
Бразилия терма жамоаси 1/8 финал босқичида Норвегияга мағлуб бўлиб, мусобақани тарк этди. Неймар чемпионат давомида икки ўйинда майдонга тушиб, бир гол урди.
АҚШ Испания футбол терма жамоасидан салкам 13 млн доллар солиқ талаб қилди
ЖЧ-2026 ўйинлари келишилган бўлиши мумкин
Моуриньо «Реал» ҳимоячисига эшикни кўрсатди
