Неймар аёл ҳакамга нисбатан жинсий камситувчи баёноти учун дисквалификация қилиниши мумкин

Бразилиянинг «Сантос» клуби ҳужумчиси Неймар аёл ҳакам — Савио Перейра Сампайога нисбатан жинсий камситувчи баёноти сабаб 5 тадан 12 та ўйингача дисквалификация қилиниши мумкин.

Ҳодиса 3 апрель куни Бразилия А Серияси 9-турида «Remo» («Ремо»)га қарши ўйиндан (2:0) кейин содир бўлган.

Испаниянинг Sport.es нашри хабар беришича, юлдуз вингер дискриминацион хулқ-атвор ва ҳакамликни очиқ танқид қилганликда айбланмоқда.

Қайд этилишича, ўйиндан сўнг 34 ёшли футболчи сариқ карточкадан норози бўлиб, интервьюда ҳакам “кайфиятсиз уйғонган”ини айтган ва буни ноўрин равишда менструал цикл билан таққослаган. Шунингдек, у Сампайони футболчиларга ҳурматсизлик қилишда ва майдонда асосий қаҳрамон бўлишга интилишда айблаган.

Неймар 86-дақиқада спортга хос бўлмаган ҳаракати учун сариқ карточка олган ва шу сабаб дисквалификация қилинади. Бу туфайли у ҳар қандай ҳолатда ҳам «Фламенго»га қарши кейинги учрашувни ўтказиб юборади.

Жорий мавсумда барча турнирларда ўтказган 6 та ўйинда Неймар 3 та гол урди ва 3 та голли узатма берди.