Бенямин Нетаняху ўзининг ўнг қанот «Янги умид» партиясини ҳукумат таркибига киритиш бўйича мухолифатдаги сиёсатчи Гидеон Саар билан келишувга эришди. Бу ҳаракат Исроил бош вазирининг сўниб бораётган коалициясини мустаҳкамлайди. Саар вазирлар маҳкамасига тўрт нафар қонунчи киритади ва Нетаняху коалициясига парламентда жами 68 ўрин беради.
Саарнинг келиши Исроилнинг Ғазога нисбатан янада қаттиқроқ сиёсатига олиб келиши мумкин. Сиёсатчи Нетаняхудан ҳам ўнг қанот позициясини эгаллайди ва ўзининг радикал қарашлари билан машҳур. У узоқ вақтдан бери Нетаняхунинг Ғазо стратегиясини танқид қилиб, уни «жуда эҳтиёткор» деб атаган.
Саар Тел-Авив Ғазода янада агрессив ҳарбий амалиётлар ўтказиши ва тез ва қатъий ғалабага интилиши кераклигини бир неча бор таъкидлаган. Эрон ва Ливандаги Ҳизбуллоҳ таҳдидларига эътибор қаратадиган Нетаняхудан фарқли ўлароқ, Саар доимий равишда Ғазода жангларни кучайтиришни талаб қилмоқда.
57 ёшли Саар бир вақтлар Нетаняхунинг ўнг қанот Ликуд партиясининг юқори мартабали аъзоси бўлган, бироқ праймеризда партияни бошқара олмаганидан сўнг истеъфога чиққан.
«Дунёда нефть тугайдиган аниқ кун» маълум бўлди
Пенсия ёши ошиши ҳақидаги гап-сўзларда жон борми?
Дунёдаги энг катта ҳаво кучларига эга 5 та давлат
