Нетаньяху: "Исроил Ғазога бўлган босимни оширмоқда"

Исроил Ғазо секторидаги радикаллар гаровга олинганларни озод қилмагунча уларга ҳарбий босимни кучайтиради.

Бу ҳақда яҳудий давлати бош вазири Беньямин Нетаньяху бош вазирлик идораси тарқатган видеомурожаати чоғида маълум қилган.

"Кеча Ғазо секторида биз янги босқичга ўтдик. Исроил армияси ҳудудни эгаллаб, террорчиларга зарба бермоқда, инфратузилмани вайрон қилмоқда. Ҳозир биз секторни бўлаяпмиз ва гаровга олинганларни қайтариб олиш учун босимни босқичма-босқич оширмоқдамиз. Ва қанча вақт қайтармасалар, қайтармагунча босим шунчалик кўп бўлади", - деди Нетаньяху.