Непалда кучли сув тошқини оқибатида бедарак йўқолганлар сони 1924 кишига етди, 579 киши ҳалок бўлди.
Бу ҳақда Непал Миллий табиий офатлар хавфини камайтириш ва бошқариш бошқармаси хабар берди.
Ҳукумат маълумотларига кўра, бедарак йўқолганлар орасида 517 нафар чет эллик бор. Тошқин таъсирида бўлган дарёлар бўйидаги гидроенергетика иншоотларида ишлайдиган яна 933 киши бедарак йўқолган.
Чегаранинг Хитой томонида, Тибетда, 558 киши бедарак йўқолган, яна беш киши ҳалок бўлган. Бедарак йўқолганлардан 260 нафари чет эл фуқаролари.
Сув тошқини 26 август куни Непалнинг Хитой билан чегарадош ҳудудида содир бўлган. Фалокатга музликларнинг қулаши сабаб бўлган, натижада сув, тошлар ва лойнинг катта оқими пайдо бўлган, кейин эса дарё сатҳи кескин кўтарилган.
Қутқарув ишлари давом этмоқда. Вайрон бўлган йўллар ва кўприклар зарар кўрган ҳудудларга киришни қийинлаштирмоқда, шунинг учун одамларни қидириш ва гуманитар ёрдам етказиб бериш учун вертолётлардан фойдаланилмоқда.
Ҳиндистонда тўрт қўл ва тўрт оёқли чақалоқ туғилди (фото)
"Бу босиб олинган ҳудуд эмас. Бу бизнинг еримиз..."
Киевнинг бир неча ойи қолди
