Онтарио — Онтарио бўлиб қолади

Канада бош вазири икки давлат чегарасида жойлашган Онтарио кўли ўз номини сақлаб қолишини маълум қилди. Канада бош вазири Марк Карнининг таъкидлашича, "Онтарио" номи 400 йилдан ортиқ вақтдан бери мавжуд. У Канада конфедерацияси ташкил топиши ва АҚШ Мустақиллик декларацияси қабул қилинишидан анча олдин пайдо бўлган. "Канадаликлар бу кўлнинг номи Онтарио эканини яхши билади. У шундай бўлган, ҳозир ҳам шундай ва доимо Онтарио бўлиб қолади", — деди Карни. Аввалроқ, Трамп Онтарио кўли номини "Америка кўли"га ўзгартириш тўғрисида фармон имзолагани хабар қилинганди. Шунингдек, у Атлантика ёки Тинч океани номини ўзгартиришни таклиф қилди.