“Ўзбекнефтгаз” АЖ томонидан мамлакатнинг миллий бойлиги ҳисобланган нефть ва конденсат маҳсулотларини талон-торож қилиш билан қўлга киритиш ҳаракатида бўлган шахсларга қарши курашишда, уларнинг ноқонуний қилмишларининг олдини олишда тизимли ишлар олиб борилмоқда.
Хусусан, келиб тушаётган хабарлар таҳлили натижасида жорий йилнинг июль ойида Молиявий ва комплаенс назорати департаменти томонидан “Гиссарнефтгаз” ҚК МЧЖ тасарруфидаги конларда жойлашган нефть ва газконденсати қувурларига бегона шахслар томонидан ноқонуний уланишга ҳаракат қилиш ҳолатлари аниқланди.
Шунингдек, олиб борилган ўрганишлар натижасида корхонанинг “Шакарбулоқ” конида маҳсулотини ўзлаштириш учун нефть қувурига қўлбола усулда ёғочдан ясалган қозиқ ўрнатилгани ҳамда “Шимолий Ғузор” кони ҳудудидан ўтган конденсат қувурига хомутлар ёрдамида уланган шланг ва вентиль мосламалари тайёрланиб қўйилгани маълум бўлди. Салбий ҳолатлар зудлик билан бартараф этилди ва ўғирликнинг олди олинди.
Ҳолат юзасидан ўрнатилган тартибда ҳужжатлар расмийлаштирилиб, ҳуқуқий баҳо бериш ва қонуний чоралар кўриш мақсадида ҳуқуқни муҳофаза қилувчи идораларга тақдим этилди.
Озодбек Назарбеков қабулида...
Шоҳжаҳон Жўраев икки йил олдин отаси Шерали Жўраевни судга берган
Диёра Усмонова марҳум турмуш ўртоғи томонидан зўравонликка учрагани ҳақида гапирди
