2025 йил 28 апрель ҳолатига кўра, Brent маркали нефть нархи бир баррелга 66,08 долларгача тушди. Бу пасайиш жаҳон ёқилғи бозорида таклиф ортиқчалигидан хавотир ва глобал иқтисодий ўсиш борасидаги ноаниқлик билан боғлиқ.
Июнь ойи учун WTI нефти фьючерслари ҳам бир баррелга 62,38 долларгача арзонлашди.
Душанба куни эрталаб нархлар бироз кўтарилди: Брент бир баррелга 67,09 долларгача, WTI эса 63,26 долларгача қимматлашди. Бироқ, умумий тенденция пасайишда давом этмоқда. Бунга АҚШ ва Хитой ўртасидаги савдо келишмовчиликлари туфайли жаҳон иқтисодиётидаги ноаниқлик, шунингдек, 5 майда бўлиб ўтадиган йиғилишда ОПЕК+ мамлакатларининг нефть қазиб олишни ошириши мумкинлиги ҳақидаги тахминлар сабаб бўлмоқда, дея хабар бермоқда Реутерс.
Таҳлилчиларнинг башоратлари ҳам нефть нархининг янада пасайиши мумкинлигини кўрсатмоқда. Жумладан, HSBC Брентнинг 2025 йилдаги ўртача нархини бир баррелга 68,5 долларгача пасайтирди, АҚШ Энергия ахбороти бошқармаси (EIA) эса ўртача нархни 67,87 доллар атрофида бўлишини кутмоқда.
