17 ёшли ўқувчи бир дона игнани ютиб, кетидан кўп миқдорда дори ичгани, айни пайтда кома ҳолатида экани айтилмоқда. Бу ҳақда kun.uz хабар бермоқда.
Айтилишича, Хатирчи туманидаги мактаблардан бирининг 17 ёшли ўқувчиси (қизнинг шахси таҳририятга маълум) ўз жонига қасд қилган. Бунга мактабда у ва ўқитувчи ўртасида юзага келган жанжал сабаб бўлгани айтилмоқда
“Мактабдаги ҳолат жорий йил 4 апрель куни содир бўлган: ўқитувчи бошқа дарсни сўраган, синглим эса бошқасини айтиб берган. Ўқитувчи урган, у эса қўл кўтармасликни айтган. Шу тариқа вазият маҳалла инспекторигача етиб борган. Синглимнинг ўзини айбдор қилишган.
Маҳалла профилактика инспектори ҳам қамаб қўямиз сени, дея босим қилаверган, суҳбатга чақирган, уйдан мажбурий олиб кетмоқчи бўлган. Синглим ушбу босимларга чидай олмай, 6 апрел куни ўз жонига қасд қилган: аввалига битта игна ютган, кетидан жуда кўп миқдорда турли дори таблеткаларини ичган. Неча кундирки, у кома ҳолатида,”, — дейди журналисти билан гаплашган ўқувчининг опаси.
Манбада таъкидлашича, ўқувчи қиз айни пайтда Навоий шаҳридаги шифохонада. Унинг аҳволи оғирлигича қолмоқда, кома ҳолатидан чиқмаган.
Ҳозирча Навоий вилояти Мактабгача ва мактаб таълими бошқармаси ҳам, Хатирчи тумани ҳокимлиги ҳам ҳолат юзасидан расмий муносабат билдирмади.
