Темуржон домла Атоев Навоий вилояти бош имом-хатиби этиб тасдиқланди. У бунгача ушбу лавозимда ўринбосар сифатида фаолият юритган.
2025 йил 23 август куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари раислигида Навоий вилояти имом-хатиблари йиғилиши бўлиб ўтди. Унда сўнгги йиллардаги диний-маърифий ислоҳотлар ва имом-хатиблар олдида турган вазифалар муҳокама қилинди.
Йиғилишда ташкилий масала сифатида бош имом-хатиб алмашинуви ҳам кўрилди. Илгари ушбу лавозимда ишлаб келган Тоир домла Рўзиев бошқа вазифага ўтказилгани сабаб, унинг ўрнини Темуржон домла Атоев эгаллади.
Янги тайинланган бош имом-хатиб Темуржон Атоев «Кўкалдош» мадрасаси ва Мисрдаги ал-Азҳар университети талабаси бўлган. У аввал Навоий вилояти Нурота туманидаги «Чилустун» масжидида имом ноиби, кейинроқ эса вилоят бош имом-хатиби ўринбосари вазифасида ишлаган.
Мактабларда 1 сентябрдан смартфондан фойдаланиш тақиқланади
Кейинги 5 йил ичида бошланиши мумкин бўлган 5 та уруш
АҚШ Конгрессига номзод Валентина Гомес Қуръонни ёқиб юборди
