"Менимча, бу АҚШ кутган жавоб бўлади"

Россия ва Украина ўртасида энергетика объектларига зарбаларни тўхтатиш бўйича тўғридан-тўғри келишувлар бўлмаган.

Украина президенти Владимир Зеленскийнинг сўзларига кўра, энергетика объектларига зарба беришни тўхтатишни АҚШ томони, жумладан, Доналд Трамп таклиф қилган. Зеленский бир кун олдин бунинг учун унга миннатдорлик билдирган.

Шунингдек, Зеленский Украина Россиянинг ҳаракатларига мос жавоб беришини маълум қилди.

"Агар Россия бизнинг энергетика объектларимизга, генераторларимизга ёки бошқа ҳар қандай объектларимизга ҳужум қилмаса, биз ҳам уларга зарба бермаймиз. Менимча, бу АҚШ кутган жавоб бўлади", — деди Зеленский журналистлар билан учрашув чоғида.

Унинг қўшимча қилишича, буни шартнома эмас, аксинча имконият, дейиш мумкин.

"У ишлайдими ёки йўқми - ҳозирча айта олмайман", — дея қўшимча қилди Украина президенти.