АҚШ президенти Дональд Трампнинг савдо ва ишлаб чиқариш бўйича катта маслаҳатчиси Питер Наварро у ва АҚШ Ҳукумат Самарадорлик Департаменти (DOGE) раҳбари Илон Маск ўртасидаги муносабатларда кескинлик йўқлигини айтди.
Бу ҳақда у NBC News телеканалига маълум қилди.
"Илон яхши. Мени ёмон дейишди", - деди Наварро.
АҚШ маъмурияти раҳбари маслаҳатчиси Маскнинг DOGE фаолияти доирасида амалга ошираётган ишларини ҳам юқори баҳолади. "Илон ва унинг жамоаси исрофгарчилик, фирибгарлик ва суиистеъмолликка қарши курашиш бўйича ажойиб иш олиб бормоқда", деди у.
Эслатиб ўтамиз, Маск 8 апрель куни Х ижтимоий тармоғида Наваррони "ҳақиқий тентак" деб атаган эди. Tesla электромобиль компаниясига эгалик қилувчи ва дунёнинг энг бой одами бўлган тадбиркор Трампнинг савдо ва тарифлар бўйича катта маслаҳатчисининг ғояларини ёлғон деб атади. Наварро, ўз навбатида, 7 апрель куни Маскни "автомобил йиғувчи" деб таърифлаган ва аввалроқ тадбиркор шунчаки "машина сотади", савдо сиёсати ва божхона тўловлари қўлланилишининг нозик жиҳатларини тушунмайди, деган фикрни билдирган эди.
Хитойликлар оролни эгаллади ва тарк этди
Қозоғистон Хитойга ер бергани ҳақиқатми?
Россияликлар энди урушмоқчи эмас
