НАТО ва Европа Иттифоқи мудофаа мақсадида “дронлар девори” лойиҳасини ишлаб чиқмоқда

НАТО Бош котиби Марк Рюттенинг сўзларига кўра, НАТО ва Европа Иттифоқи биргаликда “дронлар девори” ғояси устида ишламоқда. Бу лойиҳа аъзо давлатларни учувчисиз учиш аппаратлари (дронлар) ҳужумидан ҳимоя қилишга қаратилган.

Рютте таъкидлаганидек, бу жараёнда Европа Иттифоқи ва НАТО турли рольларни бажаради: Шимолий Атлантика альянси (НАТО) ҳарбий имкониятларни тақдим этса, Европа Иттифоқи молиялаштиришни таъминлайди.

Бундай “девор”га эҳтиёж борлигини илгари НАТОнинг шарқий қанотида ҳам Еврокомиссия раҳбари Урсула фон дер Ляйен таъкидлаган эди.

Бироқ Европа Иттифоқининг мудофаа бўйича комиссари Андрюс Кубилюснинг айтишича, ҳозирча Европа Иттифоқининг бу борадаги имкониятлари “жуда чекланган”. Reuters агентлигининг ёзишича, шу сабабли лойиҳа ҳозирча номаълум ҳолатда қолмоқда.