Eвропанинг ўз ядровий тўхтатувчиси бўлиши керакми ёки йўқлигини муҳокама қилиш НАТОга путур этказади ва ҳеч қандай мақсадга хизмат қилмайди. Бундай фикрни НАТО бош котиби Йенс Столтенберг 60-Мюнхен хавфсизлик конференцияси доирасида ўтказилган панеллардан бирида билдирди.
«НАТО ўнлаб йиллар давомида ядровий жиловлашда роль ўйнади. Қўшма Штатлар ўзининг Европадаги иттифоқчиларига шундай қиляпти. НАТОнинг ядровий тўхтатиб туришига шубҳа қилиш ҳеч қандай фойда келтирмайди. Бу ҳақиқатан ҳам ишончли тўхтатувчи кучга муҳтож бўлганимизда НАТОга путур етказади», деди Бош котиб.
Россия Федерацияси ва Украина ўртасидаги қуролли тўқнашув мавзусига тўхталган Столтенберг, АҚШдаги келишмовчиликларнинг Украинадаги фронт чизиғига таъсир қилишини айтди.
«Ҳаммаси зўр демайман. Мен европалик иттифоқчилар (мудофаа харажатларини ошириш нуқтаи назаридан) кўпроқ ҳаракат қилишлари кераклигига қўшиламан, лекин ҳеч бўлмаганда биз тўғри йўлдамиз», — деди бош котиб.
Унга кўра, Украина масаласида Европа давлатлари ва Канада АҚШдан кўра кўпроқ қўллаб-қувватламоқда.
АҚШ Конгрессда зудлик билан Украинага ёрдам бериш бўйича келишиб олиши керак, чунки бу ҳаётий аҳамиятга эга, бу Украинадаги фронт чизиғига бевосита таъсир қилади, деди Столтенберг.
