Буюк Британия, Франция, Италия, Испания ва Канада NATO аъзолари зиммасига ҳар йили Украинага ЯИМнинг камида 0,25 фоизи миқдорида ҳарбий ёрдам ажратиш мажбуриятини юклаш таклифини блоклади.
The Telegraph газетасининг ёзишича, NATO бош котиби Марк Рюттенинг ушбу ташаббуси алянснинг Анқарадаги саммити олдидан муҳокама қилинган, бироқ бир овоздан қўллаб-қувватланмаган. Нашр маълумотларига кўра, Лондон, Париж, Рим, Мадрид ва Оттава бунга қарши чиққан.
Шу билан бирга, газетанинг қайд этишича, Украинага ёрдам кўрсатиш учун ЯИМнинг 0,25 фоизидан кўпроғини сарфлаб келаётган NATO'нинг етти давлати ушбу таклифни маъқуллаган. Улар орасида Полша, Нидерландия, шунингдек, Болтиқбўйи ва Шимолий Европа мамлакатлари бор.
The Telegraph'нинг қайд этишича, ушбу қарор Буюк Британиянинг Украинани асосий иттифоқчиларидан бири сифатидаги нуфузига зарба бўлди.
Мактабларда «Сўнгги қўнғироқ» тадбирлари қачон ўтказилиши маълум бўлди
Эрон 57 та мусулмон давлатидан иборат “Ислом NATOси” ни тузишга чақирди
АҚШда қуш уяси сабабли харидор ўзи сотиб олган автомобилга эгалик қила олмаяпти (фото)
