«Насаф» клуби Испаниянинг «Kelme» спорт бренди вакиллари билан музокара олиб борди ва ўзаро ҳамкорликка эришди.
Унга кўра, жорий мавсумдан бошлаб «Насаф» «Kelme» брендидан фойдаланишни бошлайди.
«Куни-кеча жамоамиз «Kelme» либосларини қабул қилиб олди. Юқоридаги расмларда жамоамизнинг янги уй ва сафар либосларини кўришингиз мумкин», - дейилади клуб хабарида.
Маълумот учун, Қарши клуби ушбу либосидаги мавсумдаги дастлабки расмий ўйинини 19 февраль куни ўтказади. Шу куни «Насаф» ОЧЛ 1/8 финали доирасида Саудия Арабистонининг «Аш-Шабоб» клубига қарши Қатарда ўйин ўтказади.
Эслатиб ўтамиз, клуб 2022 йилда Adidas бренди либосларидан фойдаланган эди.