Федерал прокуратура хитойлик 55 ва 52 ёшли Германия фуқароси бўлган эр-хотинни Хитой разведкаси топшириғи билан немис университетлари ходимлари билан алоқа ўрнатганликда айбламоқда.
Der Spiegel нашрининг ёзишича, уларни аэрокосмик техника, IT ва сунъий интеллект каби соҳалар қизиқтирган.
Маълумотларга кўра, гумонланувчилар алоқа ўрнатиш давомида ўзларини таржимон ёки Германия автомобил компанияси ходимлари сифатида таништиришган. Шунингдек, улар немис олимларига Хитойда маъруза ўқишни таклиф қилишган — уларнинг таъкидлашича, тингловчилар оддий фуқаролар бўлиши керак эди, аслида эса маърузалар ҳарбийлар учун мўлжалланган.
Прокуратура икки гумонланувчининг уйлари ва иш жойларида тинтув ўтказишга буйруқ берди. Шу билан бир вақтда Баден-Вюртемберг, Бавария, Берлин, Бранденбург, Қуйи Саксония ва Шимолий Рейн-Вестфалияда тўққиз нафар гувоҳ сўроқ қилинди. Сўроқ қилинганларнинг деярли барчаси олимлардир.
Ҳибсга олинган эр-хотин Карлсруэга олиб борилади, у ерда Федерал олий суднинг тергов судьяси уларга нисбатан қамоққа олиш эҳтиёт чорасини эълон қилиши керак, дейилади хабарда.
Турклар Эрондан ҳам ёмонроқ аҳволга тушади — Исроил маданият вазири
Орол Пекинга тегишли эмас ва унга бўйсунмайди
Россия Украина раҳбариятини йўқ қилишни режалаштирмоқда
