МХК раҳбари АҚШ қўшинларининг Европадан олиб чиқилиши тўғрисида эълон қилинишини кутмоқда

АҚШ витсе-президенти Ж.Д.Венс Европада жойлашган ҳарбийларнинг "катта қисми"ни олиб чиқиб кетилишини эълон қилиши мумкинлигини Мюнхен хавфсизлик конференцияси раҳбари Кристоф Хойсген маълум қилди.

"Менимча, Америка витсе-президенти Америка қўшинларининг катта қисмини Европадан олиб чиқиш ва Европа [ўз-ўзини ҳимоя қилиш] вазифасини зиммасига олиши кераклиги ҳақида эълон қилади," - дея Хойсген Германиянинг Deutschlandfunk жамоат радиостанциясига билдирди.

Президент Доналд Трампнинг Украина ва АҚШ вакиллари Россия вакиллари билан музокаралар ўтказиши ҳақидаги баёнотига келсак, Хойсген Россия ҳукуматининг бирорта ҳам амалдори аккредитациядан ўтмаганини, бироқ мухолифат вакиллари иштирок этиши кутилаётганини таъкидлади.

Шунга қарамай, Хойсген тадбирда Трампнинг уч томонлама музокаралари бўлиб ўтишини бутунлай истисно қила олмаслигини қўшимча қилди.