Жаҳон бокс ассоциациясининг (WBА) иккинчи энг енгил вазн тоифаси чемпиони, япониялик Наоя Иноуэга Муроджон Аҳмадалиев билан мажбурий ҳимоя жангини ўтказиш бўйича буйруқ берди. Бу ҳақда ташкилот ҳар икки томонга расмий мактуб юборди. Ҳар икки жамоага музокаралар ўтказиш учун 14 июль кунига қадар муддат берилди. Агар белгиланган муддатда келишувга эришилмаса, промоутерлар ўртасида очиқ ким ошди савдоси ўтказилади.
Регламентга кўра, Иноуэ чемпионлик камарини қўлга киритган кундан бошлаб 9 ой ичида мавжуд бўлган энг яхши даъвогарга қарши ҳимоя жангини ўтказиши керак. Аниқроғи, 2023 йилнинг 26 декабрида чемпионликни қўлга киритган ушбу чарм қўлқоп устаси мажбурий ҳимоя жангини шу йилнинг 25 сентябрь кунига қадар ўтказиши лозим. WBA йўналишидаги мажбурий даъвогар эса айнан ҳамюртимиз Муроджон Аҳмадалиевдир.
Ҳозирда, Муроджон Аҳмадалиев АҚШда ўз машғулотларини давом эттирмоқда.
