Жаҳон бокс ассоциацияси (WBA) иккинчи ярим енгил (-55,34 кг) вазн тоифасида мутлақ жаҳон чемпиони Наоя Иноуэ (27-0, 24 КО) камарини мажбурий даъвогар Муроджон Аҳмадалиевдан (12-1, 9 КО) ҳимоя қилишга буйруқ берди.
Ташкилот томонларга расмиий мактуб юбориб, ҳар икки жамоага жанг ҳақида хабар берди. Музокаралар олиб бориш учун 14 июлгача муддат белгиланди. Томонлар бу муддат ичида келиша олмаса, кимошди савдолари ўтказилади.
Регламентга кўра, чемпион камарни қўлга киритган кундан бошлаб 9 ой ичида мавжуд бўлган энг яхши даъвогарга қарши унвонини ҳимоя қилиши керак.
Жанг муддати тасдиқланса, Аҳмадалиев ўзбек боксчилари ичида биринчи бўлиб бир йўла тўртта асосий чемпионлик камарлари — WBC, WBA, IBF ва WBO учун рингга чиқади.
Иноуэ мутлақ чемпионга айланганидан сўнг илк бор май ойида Марлон Тапалесга қарши рингга кўтарилиб, камарларини ҳимоя қилган эди. Жанг 6-раундда япониялик боксчининг нокаут эвазига ғалабаси билан якунланганди.
Аҳмадалиев эса 2023 йилнинг декабрь ойида Кевин Гонсалесга қарши жанг қилганди. Қарама-қаршиликнинг 8-раундида ўзбекистонлик бокчи рақибини техник нокаутга учратиб, ғалаба қозонган эди.
ОФК КХДР-Ўзбекистон ўйини бошланиш вақтини эълон қилди
Месси яна жаҳон юлдузларига қарши майдонга чиқади
Абдуқодир Ҳусановга Англия Премьер-лигаси гранд клуби қизиқиб қолган
