Бугун, 4 июл куни Эрон олий раҳбари АҚШ ва Исроил билан бўлган урушда Теҳрон ғалаба қозонгани тўғрисида кутилмаган баёнот билан чиқди. Унинг бу ҳақдаги мурожаати Euronews томонидан эълон қилинди.
Хоминаийнинг мурожаати АҚШ маъмурияти Эрон билан олиб борилаётган музокараларда сезиларли ютуқларга эришилганини билдираётган ва президент Доналд Трамп Мужтабо Хоминаий билан шахсан учрашиши эҳтимолини истисно қилмаётган бир пайтда берилди.
"Қадрли Эрон халқига шуни айтмоқчиманки, сизларнинг қуролли кучлар сафидаги жасур фарзандларингизга қарши курашда мағлуб бўлган маккор душман бугун нафақат жанг майдонида, балки жамоатчилик олдида ҳам чуқур ва оғир таҳқирли вазиятни бошдан кечирмоқда. Шу сабабли у турли ҳийла-найрангларга таяниб иш тутмоқда", — деган Эрон олий раҳнамоси.
Хоминаийнинг баёноти, эҳтимол, тинчлик келишувига яқинлашилаётганидан далолат бериши мумкин. У Эрон халқини бунга тайёрлар экан, бир вақтнинг ўзида ички бирдамликни сақлашга чақирмоқда.
"Тахминан 80 йил аввал Исроил деб аталувчи ҳарбий таянчни яратган ҳукмрон тизим “Буюк Исроил” деб аталувчи сохта ва тўқиб чиқарилган географиянинг шарқий чеккасида, яъни Фурот дарёсининг шарқида жойлашган, кўплаб устунликларга эга, қудратли ва мустақил Эроннинг мавжудлигини қабул қилмайди", — дея қўшимча қилган Хоминаий.
Ўзбекистонда янги кўл пайдо бўлди
Қирғизистонга юборилган 21 тонна тарвуз нега ортга қайтарилди?
Рустам Ғоиповга “Халқ артисти” унвонининг берилиши шахсан давлат раҳбарининг ташаббуси бўлган
