Испания Ҳакамлар техник қўмитаси (CTA) "Барселона" ва "Реал" ўртасидаги "Эл-Класико" учрашувини бошқариши керак бўлган Алехандро Эрнандес Эрнандесни бошқа ҳакамга алмаштиришга қарор қилди.
Бу ҳақда Marca нашри журналист Роберто Гомесга таяниб хабар бермоқда.
Манба маълумотига кўра, мазкур қарорга "Реал" бош мураббийи Жозе Моуриньонинг норозилиги асосий сабаб бўлган. Португалиялик мутахассис учрашувни бошқарадиган ҳакамнинг номи олдиндан маълум бўлиб қолганидан норози бўлган.
"Дастлаб учрашувни Эрнандес Эрнандес бошқариши керак эди. Моуриньо эса икки марта ўйинга қайси ҳакам тайинланиши аллақачон маълум бўлгани уни ҳайратга солаётганини айтди.
Қўмита жаҳон чемпионатида ишлаган ҳакам — Эрнандес Эрнандесни тайинламоқчи эди. У жорий мавсумда алоҳида босим остида қолмаган", — деди Гомес.
Журналистнинг таъкидлашича, Ҳакамлар техник қўмитаси Моуриньога қўшимча танқид учун сабаб беришни истамаяпти.
"Барселона" ва "Реал" ўртасидаги "Эл-Класико" 25 октябрь, якшанба куни Испания Ла Лигасининг 10-тури доирасида бўлиб ўтади.
Баҳодир Жалолов жангдан кейин нега Абдуқодир Ҳусанов ва Эрлинг Холанд олдига борди?
Шоҳжаҳон Эргашевнинг Тошкентдаги жанги жанжал билан ниҳоясига етди
Россиялик марҳум боксчи умрининг сўнгги 11 йилида гапирмагани маълум бўлди
