Моуриньо Туркия чемпионати ҳақида: Мавсум натижаси унга старт берилмасидан олдин ҳал бўлганди

«Фенербахче» бош мураббийи Жозе Моуриньо Туркия чемпионатининг 34-туридан ўрин олган «Бешикташ»га қарши ўйиндаги (0:1) мағлубиятдан кейин ўз фикрлари билан ўртоқлашди.

«Бугун майдонда ғалабага интилган ва имкониятлар яратган ягона жамоа бор эди. Биз бу мағлубиятга муносиб эмасдик. VAR қарори, ҳакамлар қарори, Эн-Несирийга нисбатан пенальти тайинланмагани... Булар ҳақида гапиришдан чарчадим. Менда ҳеч қандай таъсир кучи йўқ, ҳеч нарса ўзгармайди. Аммо ҳақиқат шундай. Айрим футболчиларингиз яхши ўйнамаганида, бу бутун жамоа ўйинига таъсир қилади. Мавсум натижаси унга ҳали старт берилишидан ҳал бўлиб бўлганди. Биз учун ҳал қилувчи бўлган ўйинлар — ўз майдонимиздаги мағлубиятлар», — деди Моуриньо.

«Фенербахче» Туркия чемпионати жадвалида 75 очко билан иккинчи ўринни эгаллаб турибди. Жамоа пешқадам «Галатасарай»дан 8 очкога ортда қолмоқда. Чемпионат тугашига тўрт тур қолган.