Туркиянинг "Фенербахче" клуби бош мураббийи Жозе Моуриньо Португалия терма жамоасининг навбатдаги устози бўлиши кутилмоқда. Бу ҳақда NT Spor хабар берди.
Манбага кўра, 62 ёшли португалиялик мутахассис аллақачон терма жамоа билан дастлабки келишувга эришган. Моуриньонинг расман тайинланиши июнь ойида бўлиб ўтадиган Миллатлар лигаси финал ўйинларидан кейин кутилмоқда.
4 июнь куни Роберто Мартинес бошчилигидаги Португалия терма жамоаси Миллатлар лигаси ярим финалида Германияга қарши баҳс олиб боради. Иккинчи ярим финалда Испания ва Франция беллашади.
Турнирнинг финал жанги 8 июнга белгиланган.
