Хорижий давлат раҳбарлари 9 май куни Ғалаба парадида иштирок этиш учун Россияга ташриф буюришни режалаштирмоқда.
Қозоғистон президенти Қосим-Жомарт Тоқаев, Қирғизистон президенти Садир Жапаров ва Тожикистон президенти Имомали Раҳмон Москвага боради.
Тожикистон президентининг ташрифи ҳақида «РИА Новости» давлат раҳбарининг ижроия аппаратидаги манбаларига таяниб ёзмоқда.
Шунингдек, Ғалаба парадида иштирок этиш учун Москвага Лаос президенти Тонглоун Сисулит, Гвинея-Бисау президенти Умару Сисоку Эмбало ва Куба Мигел Диас-Канел ҳам бориши кутилмоқда.
Маълумот учун, ўтган йили Москвадаги Ғалаба парадида МДҲ давлатларининг деярли барча раҳбарлари: Қозоғистон президенти Қосим-Жомарт Тоқаев, Қирғизистон президенти Садир Жапаров, Тожикистон президенти Эмомали Раҳмон, Туркманистон президенти Сердар Бердимуҳамедов, Ўзбекистон президенти Шавкат Мирзиёев Беларус - Александр Лукашенко ва Арманистон Бош вазири Никол Пашинян иштирок этганди.
Ўғри божхоначилар 26 тонна олтин билан қўлга тушди
Арманистон шу йилнинг ўзидаёқ Европа Иттифоқига киришга тайёр
Германия ва Швеция ҳарбий ҳамкорликни кучайтирмоқчи
