Россия Мудофаа вазирлиги «Ярс» ядровий стратегик ракета тизими видеосини эълон қилди. Нашрнинг таъкидлашича, «Ёшкар-Ола» ракета тузилмаси комплекслари «машқлар доирасида жанговар патруль йўналишларида маневрларни машқ қилмоқда».
Икки ҳафта олдин Владимир Путин Украина билан чегара яқинида ядровий машғулотлар ўтказилишини эълон қилган эди. Кўп ўтмай, Александр Лукашенко Беларус ҳам уларда иштирок этишни хоҳлашини таъкидлади.
Кейин Россия Мудофаа вазирлиги ядровий машқлар «Россиянинг стратегик бўлмаган ядровий кучларининг жанговар миссияларни бажаришга тайёрлигини ошириши» кераклигини айтди. Шу билан бирга, ядровий зарба бериш «ғарб расмийларининг провокацион баёнотлари ва таҳдидларига» жавоб бўлди, дея қўшимча қилди ҳарбий департамент.
Расмий маълумотлардан маълум бўлишича, Россия ҳарбийлари 16 майдан 26 майгача синовларни ўтказишни режалаштирмоқда. Россия охирги марта қитъалараро баллистик ракетани 2023 йилнинг ноябрида синовдан ўтказган эди. Владимир Путин Украинага кенг кўламли босқиндан сўнг Ғарб давлатларини ядро қуролидан фойдаланиш эҳтимоли билан бир неча бор таҳдид қилди.
Майк Тайсон дуч келишни истамайдиган ягона жангчини айтди: «Унга нисбатан ҳеч кимда имконият йўқ»
Лавров қанча давлат Россияни йўқ қилмоқчи эканлигини айтди
Украинада миллионлаб одамларнинг мамлакатни оммавий равишда тарк этиши бошланади
