Россия пойтахти Москва шаҳридаги Черняховский кўчасида кучли ёнғин содир бўлди.
«Репорт» Россия ОАВларига таяниб, олти қаватли бинонинг томида бошланган ёнғин кейинроқ катта майдонни қамраб олганини хабар қилди.
Шу тариқа ёнғин бешта бинонинг том қисмига ўтиб, натижада 3 та хонадон аланга ичида қолган.
Ёнғин майдони аллақачон 4 минг квадрат метрдан ошган, 400 дан ортиқ аҳоли эвакуация қилинган, 10 дан ортиқ киши жароҳатланган.
Ёнғинни ўчиришга Москва ўт ўчириш-қутқарув гарнизонининг кўп қисмлари, жумладан, захира ходимлари ва иккита вертолёт жалб қилинган.
