Владимир Путиннинг 8-11 май кунлари ўт очишни тўхтатиш ташаббуси рамзий ишора эмас, балки ҳеч қандай шартларсиз тўғридан-тўғри музокараларни бошлаш таклифидир. Бу ҳақда Россия ташқи ишлар вазири Сергей Лавров Бразилияда бўлиб ўтган матбуот анжуманида маълум қилди.
" Президент Путин билдирган бизнинг таклифимиз олдиндан ҳеч қандай шартларсиз тўғридан-тўғри музокараларнинг бошланишидир. Бундай вазиятда ўт очишни тўхтатиш (АҚШ ва Украина таклиф қилаётган 30 кунга – муҳаррир эслатмаси) [музокаралар учун] олд шарт сифатида кўрилмоқда, бундан Киев режимини янада қўллаб-қувватлаш ва унинг ҳарбий салоҳиятини мустаҳкамлаш учун фойдаланилади ”, деди Лавров.
Унинг сўзларига кўра, Москва Киевнинг ўт очишни тўхтатиш режимига риоя қилиш ҳақидаги ваъдаларига ишонмайди ва “ҳалол мониторинг” учун шароитларни кўрмаяпти.
" Бир ой олдин улар ҳеч қандай сулҳни қабул қилмасликларини айтишган эди, аммо ҳозир Киев режими Украина режими чекинаётган жойда содир бўлаётган воқеалар фонида, ҳеч қандай шартларсиз ўт очишни тўхтатишни талаб қилмоқда ", дея қўшимча қилди Россия ТИВ раҳбари.
Россия президенти Владимир Путин 28 апрел куни Россия қўшинлари Улуғ Ватан урушидаги ғалабанинг 80 йиллиги шарафига — 8-май ярим тундан 11-майга ўтар кечасигача ўт очишни тўхтатишини маълум қилди.
Бунга жавобан Украина президенти Владимир Зеленский камида 30 кунга зудлик билан ўт очишни тўхтатишни таклиф қилди.
АҚШ маъмурияти вазминлик билан жавоб қайтарди. Оқ уй матбуот котибининг айтишича, Доналд Трамп доимий оташкесимга эришмоқчи, бироқ ҳар икки томоннинг ҳаракатларидан “борган сари норози”.
Трампнинг махсус вакили Кейт Келлог 29 апрел куни Путиннинг таклифини “абсурд” деб атади ва уч кунлик танаффус муаммони ҳал қилмаслигини таъкидлади.
Россияликлар энди урушмоқчи эмас
Европа зулматга чўмди
Ҳарбийлар Путинга маълум қилди: Курск вилоятидаги операция давом этмоқда
