Москва аэропортларида 370 дан ортиқ рейс кечиктирилди ёки бекор қилинди

Москва аэропортларида тунги дронлар ҳужумидан кейин 370 дан ортиқ авиарейс кечиктирилди ёки бекор қилинди. Бу дронлар хавфи туфайли ҳаво ҳудуди вақтинча чеклангани билан боғлиқ.

Энг кўп Шереметево аэропортида рейслар жадвали бузилган: 104 та рейс кечиктирилган, 135 таси бекор қилинган. Айрим самолётлар захира аэродромларига йўналтирилган.

Москва мэри Сергей Собяниннинг айтишича, тунда шаҳарга яқинлашиш йўлида 134 та дрон уриб туширилган.

Аввалроқ, Украина дронлари яна Москва ва Санкт-Петербургдаги аэропортлар фаолиятини тўхтатиб қўйгани ҳақида хабар берган эдик.