Молдованинг сайланган президенти Майя Санду мамлакатнинг европапараст курсини давом эттириш ниятида. Аммо референдумда сайловчиларнинг 50,4 фоизи Европа Иттифоқига кириш учун овоз берди. Жамиятнинг бундай бўлиниши, шунингдек, Россия ташвиқотининг заифлиги экспертларни Молдовани Грузия билан солиштиришга мажбур қилмоқда, деб ёзади ДW мухбири.
Молдова 2022 йилнинг 3 мартида Грузия билан бир кунда Европа Иттифоқига аъзо бўлиш учун ариза топширди ва июнь ойида номзод мақомини олди. Грузия мақомига 2023 йил декабрида берилган.
Молдова учун, сиёсий таҳлилчи Виктор Cиобану фикрича, Кремлда ишлаб чиқилган «Грузия стсенарийси» келаси кузда бўлиб ўтадиган парламент сайловларига аниқ тайёрланмоқда. Стратегик мақсад - ҳукумат томонидан тайинланадиган россияпараст парламент кўпчилигини шакллантириш.
WatchDog ҳамжамиятининг хавфсизлик эксперти Андрей Курарару Молдовани Грузиядан ажратиб турадиган учта асосий омилни келтириб ўтади: географик жойлашув, қўш фуқаролик ва Молдова аҳолисининг деярли ярми учун Европа Иттифоқи паспорти ҳамда Грузиядаги каби Россия билан яқинда бўлиб ўтган уруш хотирасининг йўқлиги.
Шу билан бирга, экспертлар Кремль босими кучайганини ва мамлакат энергетик инқирозга юз тутаётганини таъкидламоқда. Муаммони ҳал қилиш учун мамлакат расмийлари ЕИга мурожаат қилмоқчи. Оддий фуқаролар эса Кишинёв Россия билан виза режимини жорий этишидан қўрқишади.
Роналду "Реал"га қайтиши мумкин
Россиянинг пухта ишланган махфий режаси ошкор бўлди
Немислар кўп нарсаларни тўғри қилган
