Эроннинг Форс кўрфази араб давлатларига қарши ҳужумлари учун ҳеч қандай асос йўқ ва дипломатик ваколатхоналарга қилинган ҳужумлар барча халқаро ҳуқуқ нормаларини қўпол равишда бузиш ҳисобланади.
Бу ҳақда Миср Ташқи ишлар вазирлиги раҳбари Бадр Абдул Атти БААда амирлик ҳамкасби Абдуллоҳ бин Зайд ал-Наҳян билан учрашувда маълум қилди.
"Миср Эроннинг Форс кўрфази давлатлари ҳудудларига қарши ҳужумларини, шунингдек, ўтган ҳафта Эрбилдаги БАА консуллигига қилинган такрорий ҳужумни қаттиқ қоралайди. Бундай ҳаракатлар барча халқаро ҳуқуқий нормаларни бузиш ҳисобланади ва ҳеч қандай асосга эга эмас", деди Миср вазири.
Бундан ташқари, Миср ташқи ишлар вазири Қоҳира Форс кўрфази давлатларига қарши ҳужумларни дарҳол тўхтатишни талаб қилаётганини таъкидлади ва Абу-Дабига бу таҳдидларга қарши курашишда ўзини тутгани учун миннатдорчилик билдирди.
Эслатиб ўтамиз, 28 февраль куни АҚШ ва Исроил Эронга қарши ҳарбий операция бошлади. Натижада Олий раҳбар Али Хоманаий ва бир нечта юқори лавозимли амалдорлар ўлдирилди. Шундан сўнг, Эрон нафақат Исроилда, балки АҚШ ва иттифоқдош давлатларнинг ҳарбий базалари жойлашган мамлакатлар: Саудия Арабистони, Қатар, Бирлашган Араб Амирликлари, Уммон, Баҳрайн, Ироқ ва Кипрдаги нишонларга ҳам зарба бера бошлади.
БМТда уят ва бемаънилик театри
"Сув остидан учириладиган ва сониясига 100 метр тезликка эга": Эрон янги турдаги ракеталарини ишга солмоқчи
Эрон Исроилга ўта оғир баллистик ракеталар билан кучли ҳужум уюштирди
