2023 йил инфляция даражасидан келиб чиқиб, 2024 йил учун ҳисобланган минимал истеъмол харажатлари қиймати бир ойда киши бошига 621 минг сўм этиб этиб эълон қилинди.
✔️Минимал истеъмол харажатлари ижтимоий тўловлар ва нафақалар миқдорига қандай таъсир кўрсатади?
Эндиликда, 2024 йил 1 февралдан бошлаб қуйидаги нафақалар миқдори 608 минг сўмдан 621 минг сўмга оширилади:
1️⃣ зарур иш стажига эга бўлмаган кекса ёшдаги фуқароларнинг ёшга доир нафақалари (74,9 минг нафар);
2️⃣ боқувчисини йўқотганлик учун нафақа олувчиларнинг нафақалари (51,2 минг нафар);
3️⃣ ўзгалар парваришига муҳтож ногиронлиги бўлган 18 ёшгача боланинг парвариши билан банд бўлган қонуний вакилнинг (68,4 минг нафар) парваришлаш нафақалари.
✔️Бундан ташқари, хусусий секторда ишловчи аёлларга тўланадиган ҳомиладорлик ва туғиш нафақасининг давлат буджетидан қопланадиган миқдори ҳам 2 272 минг сўмдан 2 484 минг сўмга оширилади.
⚡️ Шунингдек, минимал истеъмол харажатлари миқдорининг оширилиши натижасида «Ижтимоий ҳимоя ягона реестри» ахборот тизими орқали қўшимча 63 минг нафар кам таъминланган оилага болалар нафақаси ва моддий ёрдам тайинланиши кутилмоқда.
🟣Минимал истеъмол харажатлари қийматини қайта кўриб чиқилиши натижасида жорий йил якунига қадар 216 млрд. сўм маблағ йўналтирилади.
🖋 Маълумот учун: Парваришлаш ҳамда аёлларга тўланадиган ҳомиладорлик ва туғиш нафақаларини тайинлаш учун фуқароларнинг мурожаати талаб этилмайди.
