Охфамнинг маълум қилишича, кейинги ўн йилликда триллионерлар пайдо бўлиши кутилмоқда. Ҳозирда глобал бойликнинг 45 фоизи энг бой 1 фоиз аҳолининг қўлида тўпланган бўлса, инсониятнинг 44 фоизи кунига 6,85 доллардан кам маблағ билан кун кечирмоқда.
Бугунги кунда дунёда тенгсизлик тобора ортиб бормоқда, чунки "аристократик олигархия" кутилмаган даражада бойлик тўпламоқда, деб таъкидланади Oxfam ривожланиш ташкилоти томонидан эълон қилинган ҳисоботда.
Давосда ўтказиладиган Жаҳон иқтисодий форуми (ЖИФ) олдидан эълон қилинган "Яратувчилар эмас, олувчилар" номли ҳисоботда айтилишича, миллиардерларнинг бойлиги 2024 йилда 2 триллион долларга (1,94 триллион евро) кўпайиб, ўтган йилга нисбатан уч баравар тезроқ ўсган.
Ҳисоботда кўрсатилишича, дунёдаги бойликнинг 45 фоизи энг бой 1 фоиз аҳолига тегишли бўлса-да, инсониятнинг 44 фоизи кунига 6,85 доллардан кам маблағ билан ҳаёт кечирмоқда ва глобал қашшоқлик даражаси 1990 йилдан буён деярли ўзгармаган.
Охфам ижрочи директори Амитабҳ Беҳар шундай деди: "Биз ушбу ҳисоботни бутун дунёдаги оддий одамлар озчилик гуруҳнинг улкан бойлиги остида эзилаётганини кўрсатувчи жиддий огоҳлантириш сифатида тақдим этмоқдамиз."
Канада АҚШга зарба берди
"Кўринмас" рус дронлари Украина артиллериясини мазах қилмоқда
Россия Су-35’ларни Хитойга сотиб хато қилдими? Хитой Су-35’ларни учиш учун эмас, нусха олиш учун олган!
