“Милан” “Интер”ни мағлуб этиб, Италия Суперкубогини қўлга киритди

«Милан» «Интер»га қарши кечган Милан дербисида 0:2 ҳисобида ортга қайтди ва 8-марта Италия Суперкубогини қўлга киритди.

Учрашув Ар-Риёддаги (Саудия Арабистони) нейтрал “Ал-Аввал Парк” стадионида бўлиб ўтди. Учрашувнинг бош ҳаками сифатида италиялик Симоне Соза ишлади. Учрашув 3:2 ҳисобида миланликлар фойдасига ҳал бўлди.

45+1-дақиқада ҳисоб очилди, “Интер” ҳужумчиси Лаутаро Мартинес гол урди. 48-дақиқада Меҳди Тареми дублга эришди. 52-дақиқада Тео Эрнандес голлардан бирини қайтариб олди. 80-дақиқада Кристиан Пулишич ҳисобни тенглаштирди. 90+3-дақиқада “Милан” ҳужумчиси Темми Абраҳам жамоасини олдинга олиб чиқди.

“Россонери” 2016 йилдан бери илк бор Италия Суперкубогини қўлга киритди ва жамоада жами саккизта шундай унвон бор. Бунгача "Интер" кетма-кет уч йил бу совринни қўлга киритган, жамоа ўз тарихида саккиз марта Италия Суперкубогини қўлга киритган. Бу кўрсаткич бўйича рекордчи "Ювентус" бўлиб, у кубокни 9 марта қўлга киритган.