“Банкир кундалиги” каналида фуқро Х. Йўлдошев онлайн платформа орқали асбоб-ускуна олиш учун ариза топширгани, бироқ 3 ойдан буён “Микрокредитбанк” AТБ томонидан сарсон қилинаётгани таъкидланган хабар тарқалди. Мазкур ҳолат ўрганиб чиқилди.
Унга кўра, Х.Йўлдошев “Ҳар бир оила – тадбиркор” йўналишида кредит олиш учун тадбиркорлардан талаб этиладиган ҳужжатларни тўлиқ тақдим этмагани маълум бўлди.
Шунингдек, фуқаро жисмоний шахс сифатида ҳам онлайн ариза топширган бўлиб, банк томонидан ариза ўрганилиши жараёнида Йўлдошевнинг бошқа банк КAТМ базасида кредит қарздорлиги борлиги аниқланган ва бу бўйича ўша заҳоти мижозга маълумот берилган.
