Мессининг икки голи "Интер Майами" ғалабасини таъминлади

"Интер Майами" МЛС мунтазам чемпионатида ўз майдонида "Ди Си Юнайтед"ни 3:2 ҳисобида мағлуб этди.

Мезбонлар сафида Лионел Месси дубль қайд этди, яна бир гол Тадео Алленде ҳисобига ёзилди, Матео Силветти пенальтидан унумли фойдалана олмади. Меҳмонлар сафида Кристиан Бентеке ва Жейкоб Маррелл ўз номини таблога ёздириб қўйди.

Бу ўйиндан сўнг "Интер Майами" 52 очко билан Шарқий конференцияда бешинчи, "Ди Си Юнайтед" 25 очко билан 14-ўринда бормоқда.