Аргентина миллий терма жамоасининг собиқ футболчиси Карлос Тевес Лионель Месси ва Криштиану Роналдуни бир жамоада тўп тепишга кўндирганини маълум қилди.
Гап 42 ёшли Тевеснинг хайрлашув ўйини ҳақида бормоқда. Ушбу тадбир декабрь ойига режалаштирилган. Баҳс Буэнос-Айресдаги "Ла Бомбонера" стадионида бўлиб ўтиши керак.
"Мен доимо Криштиану ва Леони бир жамоада кўришни орзу қилганман. Улар барча даврларнинг энг улуғ футболчилари. Мен Роналдуга: “Криштиану, хайрлашув ўйинимда сен ва Лео бир жамоада бўлишингизни истайман. Бутун дунё ниҳоят ушбу мўъжизани кўриши учун”, дедим. У келишини айтди. Леони кўндириш ҳам қийин бўлмади. Уларнинг иккаласи ҳам менга розилик берди", – деди Тевес.
Аргентиналик собиқ форвард 2005 йилдан 2015 йилгача миллий терма жамоада Месси билан бирга ўйнаган. Роналду билан биргаликда эса Тевес 2007 йилдан 2009 йилгача "Манчестер Юнайтед" сафида ҳаракат қилган.
Zo'r TV бугун Чемпионлар лигасининг икки учрашувини жонли эфирда намойиш этади
"Манчестер Сити" устози Ҳусановнинг қарорини танқид қилди
Суперлига. 21-тур ўйинлари бошланиш вақтлари
