Месси коронавирус ҳақида: "Уйдан чиққанингдаёқ хатарга учрайсан, бироқ..." 

«Барселона» ҳужумчиси Лионель Месси коронавирус пандемияси шароитида қабул қилинган карантин чекловлари тўғрисидаги фикрлари билан ўртоқлашди.

«Ҳозир исталган жойда касаллик юқтириб олиш мумкин. Уйдан чиққанингдаёқ хатарга учрайсан. Бунга жуда ҳам қаттиқ эътибор қаратмаслик лозим, чунки кўчага чиқмасликнинг иложи йўқ. 

Аммо қоидаларга риоя қилишнинг муҳим экани ва хавфсизлик чораларини кўриш шарт эканини яхши тушуниб турибмиз», - деб Месси сўзларини келтирмоқда Marca.

Эслатиб ўтамиз, коронавирус пандемияси туфайли Испания чемпионати 2 ойдан бери тўхтаб турибди. Мамлакатда хавфли вирусни юқтириб олганлар сони 230 мингдан ошган.