Аргентина терма жамоаси 2026 йилги жаҳон чемпионати саралашида Венесуэлани 3:0 ҳисобида мағлуб этди. Лионель Месси баҳсда дубль муаллифига айланди. Месси Эквадорга қарши сўнгги саралаш ўйинини ўтказиб юборади - у дам олади. Месси бир кун аввал терма жамоада ўз юртидаги сўнгги ўйинини ўтказган бўлиши ҳам эҳтимолдан холи эмас.
Жума куни Месси ижтимоий тармоқларда баёнот берди.
"Мутлақо ўзига хос кеча, у ҳали ҳам ҳиссиётлар туфайли мени тинч қўймаяпти. Барчангизга меҳрингиз ва доимий қўллаб-қувватлашингиз учун самимий миннатдорчилик билдираман. Нима бўлиши, келажакда нималар бўлиши ёлғиз Худога аён. Олға, Аргентина!" - деб ёзди Месси.
Аргентина терма жамоаси келаси ёзда АҚШ, Канада ва Мексика майдонларида жаҳон чемпионлигини ҳимоя қилади.
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
"Захирамизда бошқа Шомуродов, Юсупов ва Ҳусанов йўқ!"
