Бирлашган Миллатлар Ташкилотининг босиб олинган Фаластин ҳудуди бўйича гуманитар координатори ва Яқин Шарқ тинчлик жараёни бўйича махсус координатор ўринбосари Муҳаннад Ҳодий айтишича, яна бир Рамазон ойида Ғазодаги одамлар шундай оғир аҳволга тушиб ққолганини англаш қийин.
"Ўт очишни тўхтатиш режими эълон қилинганда умидимиз пайдо бўлди, ҳар томондан кўпроқ ёрдам етказиб бера бошладик, аммо энди ўт очишни тўхтатишнинг иккинчи босқичини кутмоқдамиз," деди у Al Jazeera телеканалига, Доҳадаги музокаралар "ижобий натижа бериши"га умид билдириб.
"Ғазода мен суҳбатлашган одамлар доимо ўт очишни бутунлай тўхтатишни сўрашган, уларга ўз ҳаётларини қайта қуриш имконияти берилишини исташади. Ҳозир одамлар музокаралар натижасидан жуда хавотирда," деди Ҳодий.
"Гап фақат озиқ-овқатда эмас, у ниҳоятда танқис, албатта; гап одамларни ҳимоя қилиш ва уларга ўз ҳаётларини қайта тиклаш имконияти берилиши ҳақида."
Исроилнинг ёрдам кучларининг кириб келишини атайлаб тўсиб қўйиши бекор қилинмаса, "фожиа" юз беришидан огоҳлантирилди.
У айтишича, вақтинчалик тинчлик даврининг дастлабки 42 кунида Ғазога киритилган ёрдам "кундалик эҳтиёжни зўрға қоплаган".
"Одамларнинг захира тўплаш имконияти йўқ," дея тушунтирди у. "Аҳолининг даромади йўқ, амалда валюта ҳам, Ғазода нақд пул ҳам йўқ. Бу муаммолар кетма-кет келяпти," дея қўшимча қилди Ҳодий.
"Доҳада тинчлик музокаралари барбод бўлиши ҳолатини тасаввур қилишни ҳам истамайман. Инсонпарвар сифатида бундай вазиятга дуч келишимизни тасаввур қила олмайман."
Канада АҚШга зарба берди
"Кўринмас" рус дронлари Украина артиллериясини мазах қилмоқда
Хитой Австралияни ўраб олди
