Мексиканинг Табаско штатидаги ноқонуний барга уюштирилган ҳужум оқибатида камида олти киши ҳалок бўлди.
Бу ҳақда Milenio нашри хабар берди.
Ҳодиса Макуспана муниципалитетидаги Сан-Карлос шаҳрида содир бўлган. Бир гуруҳ қуролланган шахслар ноқонуний барлардан бирига бостириб кириб, у ерда спиртли ичимликлар ичаётган меҳмонларга ҳужум қилган.
Таъкидланишича, ҳужумчилар пичоқли қуроллардан фойдаланган. Олти киши ҳалок бўлган, улардан иккитасининг боши кесилган. Яна бир неча киши жароҳатланган.
