Мексиканинг Чильпансинго шаҳри (Герреро штатининг маъмурий маркази) мэри Алехандро Аркос ўз лавозимига киришганидан олти кун ўтиб ўлдирилди. Уч кун олдин шаҳар ҳукуматининг янги котиби Франсиско Тапия отиб ўлдирилган эди. Reuters агентлигининг қайд этишича, Мексика штатида 2 июнь куни бўлиб ўтадиган сайловлар арафасида давлат лавозимларига олти нафар номзод ўлдирилган.
Чильпансинго шаҳри Мексиканинг жануби-ғарбий қисмида жойлашган бўлиб, 280 мингга яқин аҳолига эга. Reuters хабарида айтилишича, Герреро ҳукумат амалдорлари ва журналистлар учун энг хавфли штатлардан бири.
Алехандро Аркоснинг ўлдирилиши бўйича жиноий иш очилган. Унинг ўлими мессенжерлар ва ижтимоий тармоқларда пикап томида кесилган бош ва олд йўловчи ўриндиғида ўтирган жасад тасвирланган суратлар эълон қилингандан кейингина расман тасдиқланди. Фойдаланувчиларнинг таъкидлашича, фотосуратларда Алехандро Аркоснинг жасади акс этган. Суратларнинг ҳақиқийлиги расман тасдиқланмаган.
Алехандро Аркоснинг ижтимоий тармоқларидан маълум бўлишича, у сўнгги кунларда "Жон" тўфони ортидан табиий офатларга ёрдам бериш ишларини назорат қилиб келган.